اوعي تفهمني صح,,طبعا هو العنوان غريب شوية بس ياتري ايه اللي انت فهمتوا قبل ما تقرأ المقال؟
لو قلت لك كم شخص بتقابله كل يوم؟ سواء كان من العائلة او من الاصدقاء او من الجيران او حتي شخص لاتعرفه؟
سواء كنت في العمل ام في الكلية ام في النادي او الشارع اثناء قيادتك لسيارتك او حتي في المواصلات؟؟
لو انت رب أسرة ولا لو انتي ربة منزل تفتكري كم واحد من اولادك ومن الناس اللي حواليكي انتي شرياهم؟ مش بفلوس طبعا والا الانسان هيكون رخيص جدا
لوانت طالب او طالبة في كلية ما ,ياتري اشتريت كام طالب وكم طالبة ولا يا سلام بقي كام دكتور قدرت تشتريه,ولو نزلنا شوية علي عم عبده بتاع البوفيه وعم محمد بتاع المدرج والواد ابراهيم العامل والامين سيد بتاع الامن؟
ياتري عندك كام بني ادم لغاية الان؟؟؟
الحكاية ببساطة ان الانسان ده مستعد يقدم اي شئ حتي نفسه لاي شخص يحس انه فعلا صادق ومخلص معاه حتي لو هو مايعرفوش اصلا,بس بيحس براحة غريبة للانسان ده, وياسلام بقي لو الشخص ده حبيب القلب ولا الاب والام او الاخوات او الاهل والاصدقاء؟ ها مستعد تعمل كدة؟
كتير من الاب والام رغم حبهم الذي لا يوصف للأبناء يفشلون فشلا ذريعا في توصيل ذلك المفهوم ده ليهم لانهم ببساطة مش عارفين يوصلولهم المشاعر دي ,سواء كان ذلك في النصائح الموجهة اليهم ,ام في نقدهم الطبيعي في الحياة اليومية!!!ا
كتير من الابناء بيتمتع بعلاقات واسعة خارج المنزل وصورة طيبة من اصدقائه وزملائه سواء كان في العمل او الكلية اما نسبة التواصل في البيت فهي صفر ده اذا ماتدهورتش اكتر من كدة!!!!ا
كتير من اساتذة الجامعات مثقف جدا وفعلا عايز يفيد الطلاب وستعد انه يكون مخلص معاهم ولكن للاسف
معظم الطلاب لا يحبون حضور محاضراته بسبب كلامه اللي يخنق وأسلوبه الذي لايحتمل في سخريته منهم ونظراته التي تفتقد لاي معني الحب او الاحترام!!!!!!!!ا
كتير من أصحاب العمل يفشلون في (شراء) كسب عمالهم او الموظفون لديهم واخراج اقوي طاقاتهم واستثمارها وجعلهم يبذلون المزيد من الجهد حبا واخلاصا لصاحب العمل ولكن بدلا من ذلك يسخطون عليهم ويخصمون منهم قوت يوما ويشجنونهم بالكلام السئ ويهددونهم بالفصل, يا تري نفسيتك واقبالك علي الشغل هايكون عامل ازاي؟؟؟؟؟؟
كتير من حراس العقارات يتعرض لنظرات الاهانة والزعيق والتهزيق من ملاك العقار ويفزع من نومه في اي وقت اذا ما اراد احدهم شراء كيس شيبسي للبيبي ولا يعامله باحتقار علي انه بواب ولا يفكر حتي ان ده الانسان وعنده مشاعر بل انه يستحق ان يعامل بحساسية اكثر نظرا لحالته الاجتماعية حتي لا يشعر باي احتقار لادميته,ياتري انت بتعامل الناس دول ازاي؟؟؟؟؟؟؟؟
للاسف كثير منا لا يعلم كيف يكسب انسانا او كيف او يجعله يفعل المطلوب منه بحب واخلاص .
لا يعلم كثبر منا كيف يستثمر الطاقات الايجابية في الناس من حوله ويبعد عن ماينفرهم منه ويجعلهم يعاملونه بظاهر ماهم مجبرين عليه نظرا للفرق في المستوي الاجتماعي او الثقافي او المادي.
يفشل الاب والام غالبا في فتح قناة تواصل تتسم بالحب والرحمة والمودة بينهم وبين ابنائهم , بجانب استثمارهم لقدراتهم وتنمية احترامهم لذاتهم بوسائل غير علمية ولا منطقية ولا ينتج عنها فائدة قط, علاوة علي ذلك فانهم ينجحوا نجاحا باهرا في اخراج سلبياتهم وتطويرها ودفعهم الي النفور منهم وتعتيم اي حب او رعاية يبديها الاب او الام تجاههم.
يظن بعض اساتذة الجامعات انه يجب ان ينتهج اسلوب معين في التعامل مع تلامذته (طبعا مش محتاج اتكلم علي الاسلوب) ويظن بذلك انه يبني احتراما لذاته بين الطلاب ويحمي هبته بينهم, وفي الحقيقة اتعجب من هؤلاء الاشخاص وكيفية وصولهم الي هذه المكانة الادبية والعلمية رغم افتقادهم للمبادئ الاساسية في كيفية التعامل مع الطلاب؟؟؟؟؟
الانسان بطبعه محب وعطوف وتتحكم به مشاعره وعواطفه, ويعمل المستحيل اذا ما اراد ذلك بصدق وعزيمة,واخلاص لاي شخص ينجح في كسب مشاعر ذلك الانسان بشرط ان يكون مخلصا.
الانسان مخلوق ذو هيكل غير مرئي, بمعني انك لن تستطيع ان تعرف مشاعر شخص ما, او تطلع اللي في قلبه او تستفيد من خبراته او تحظي بحبه واحترامه الا اذا قدمت له مايثبت ذلك اولا ولا تنتظر منه شئ ,يعني ماتعملشي كدة عشان انت مستني منه مصلحة مثلا,لكن تعمل كدة عشان انت مفروض تعامله كدة, وهو سوف يبادلك نفس الشعور اذا ما كنت مخلصا معه.
الانسان ليس يحيا بالاكل والشرب فقط, خلي بالك انك برضه لازم تغذي مشاعرك عن طريق الحب الذي تملأ به قلبك وتملأ به قلب الاخرين أيضا, لان حب الناس لك هو رصيدك في الحياة , وهم شهود الله سبحانه وتعالي ودليله علي حب الله لك.
عايزين فعلا نحاول ان احنا نقدر نشتري اكبر قدر ممكن من الناس اللي حوالينا ونزرع كل معني طيب يليق بنا ك إنسان ونحاول ان نرتقي بأخلاقنا ونعمل بإخلاص ونتذكر دائما أننا في البداية خلقنا من تراب ونعود الي التراب مرة أخري, فلا نتكبر ولا نتعالي علي أحد ولكن نشتري قدر مانستطيع
ليست هناك تعليقات:
إرسال تعليق