لما بتكون عندك شوية صداع ينفع تطلب برشامة صداع ولو حرارتك مرتفعة ممكن والدتك ترشح لك كبسولة, ده طبعا شئ طبيعي ومش محتاج اي كلام.
لكن لما بتكون بتعالج مشكلة معينة في المجتمع عن طريق قلمك عشان تعرضها علي الناس ,ده ماينفعش يتعبي في كبسولة ,لانك ببساطة لازم تخصص المشكلة وتقول اسبابها وطرق حلها.
ولما تكون ضربات قلبك هادئة , وعقلك صافي, ولسانك صامت ومش لاقي حد تتكلم معاه او بمعني اصح مش لاقي وقت تفضفض عن اللي جواك , ما بتلقيش اللا القلم هو اللي قدام عنيك وكمان غطاه مفتوح ,يعني بيشجعك انك تعبر عن اللي جواك بدون ماتبذل اي مجهود, خاصة انك بتكون في اصدق اللحظات مع نفسك,لدرجة انك ممكن تفاجئ باللي انت نفسك كاتبه بعد اما تخلص كتابة وده طبعا محتاج استفاضة في الكلام لاننا بطبيعتنا شعب عاطفي ,يعني بنحب نعبر بذمة ,يعني بالبلدي محتاجين نلاقي حد مخلص نحكي له اسرارنا ومش هانلاقي اصدق من القلم, لانه علي الاقل بيسمع بدون مقاطعة, فمش هاينفع نعبي الكلام برضه في كبسولة.
في حاجات في الدنيا كتير لازم نتكلم عنها ونحكي عنها ونضحك فيها ونزعق فيها ونعلي صوتنا كمان, وفي حاجات تانية ممكن تتكوم في مجرد كبسولة
ليست هناك تعليقات:
إرسال تعليق